Institucionet e BE-së “u veshën” me ngjyrat e flamurit ukrainas për të pritur që në orët e para “Ditën e Europës”, e cila këtë vit e gjen unionin më të bashkuar se kurrë ndërsa kontinenti i vjetër po përjeton një tjetër luftë.
Presidentja e Komisionit Evropian, Ursula Fon Der Lajen dënoi agresionin rus në Ukrainë duke theksuar edhe njëherë mbështetjen për Kievin.
URSULA VON DER LEYEN
PRESIDENTE E KE
“Sot kontinenti ynë po përballet me hijen e një të shkuare të cilën mendonim se e kishim lënë pas. Një luftë mizore, agresion i pajustifikuar, qytete të shkatërruara, miliona njerëz të pafajshëm që janë detyruar të braktisin shtëpitë e tyre dhe fate që nuk dinë cctë presin në të ardhmen. Europa qëndron në krah të Ukrainës. Në të njëjtën kohë pushtimi rus na kujton se pse po e festojmë ditën e Europës, dita kur ka lindur Europa jonë e paqtë dhe e zhvilluar. 72 vite më vonë, jemi më të fortë dhe më të bashkuar se kurrë.”
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Dita e Europës përkujtohet çdo 9 maj, datë e cila përkon me deklaratën e Schumanit, hera e parë kur u propozua krijimi i komunitetit Europian të Qymyrit dhe Çelikut, paraardhësi i Bashkimit Europian.
Në një fjalim historik të mbajtur në Paris në vitin 1950, Robert Schuman, atëkohë ministër i Jashtëm i Francës, propozoi që anëtarët themelues të komunitetit, Franca, Gjermania, Italia, Holanda, Belgjika dhe Luksemburgu, do të bashkonin prodhimet e tyre të qymyrit dhe çelikut dhe të krijonin një treg të përbashkët duke hequr taksat e importit dhe eksportit.