Filmi “20 ditë në Mariupol” për pushtimin rus të Ukrainës, fitoi Oscarin për dokumentarin më të mirë në orët e para të mëngjesit të së hënës.
Ishte “fitorja” e parë për Ukrainën në eventin më të mirë të Hollivudit, pasi filmi u shpërblye, ashtu si dhe “Openheimer” nga Christopher Nolan dhe “Barbie” nga Greta Gerwig.
“Është Oscari i parë në historinë e Ukrainës dhe është nderi im”, tha regjisori Mstislav Chernov ndërsa merrte statujën ikonë.
“Por unë ndoshta do të jem regjisori i parë, në këtë skenë, që do të them se do të doja të mos e kisha bërë kurrë këtë film. Do të doja ta shkëmbeja atë që Rusia të mos sulmonte kurrë Ukrainën”, shtoi ai.
Dokumentari, i bashkëprodhuar nga Mitchell Mizner dhe Rainey Aronson-Rath i Associated Press, tregon historinë e ditëve të para të pushtimit rus të Mariupolit, i cili tani kontrollohet nga forcat e Kremlinit.
Gjatë fjalimit të tij në ceremoninë e Oscars në Los Anxhelos, Chernov kërkoi që Rusia të ndalojë agresionin e saj në Ukrainë.
“Uroj që të lirojnë të gjithë pengjet, ushtarët që mbrojnë tokën e tyre, qytetarët që janë në burgjet e tyre”, shtoi ai.
Në vitin 2023, i njëjti çmim u fitua nga filmi Navalny, për helmimin dhe burgosjen e liderit të opozitës ruse Alexei Navalny – i cili vdiq në një burg në Arktik muajin e kaluar. /vizionplus.tv