Një 66-vjeçar austriak fshehu trupin e pajetë të nënës së tij në bodrumin e shtëpisë, për të përfituar pensionin e saj.
Sipas raportit të policisë, 66-vjeçari, i cili kurrë nuk u gjobit ose nuk ishte i njohur për policinë, përfitoi 50 mijë euro përmes mashtrimit. Hetuesit, ndërkohë, lëshuan një urdhër për të kryer një autopsi në trupin e pajetë të 89-vjeçares, në mënyrë që të përcaktohej shkaku i saktë i vdekjes.
Policia e zgjeroi hetimin tek një infermiere nga Rumania, e cila dyshohet se ishte në shtëpi në kohën kur 89-vjeçarja ndërroi jetë. Televizioni austriak, ORF raportoi se djali 66-vjeçar i gruas së pajetë tha se nuk ishte në apartament në kohën kur nëna ndërroi jetë.
Policia është në kërkim të një gruaje të panjohur rumune, e cila dyshohet se kishte zëvendësuar të moshuarën pas vdekjes.