Presidenti i Turqisë, Rexhep Tajip Erdogan ka publikuar në llogarinë e tij në Instagram një galeri me foto nga vizita në vendin tone.
“Faleminderit Shqipëri, ju duam juve!”, shkruan Erdogan bashkangjitur galerisë.
Presidenti turk e nisi vizitën në Shqipëri një ditë më parë me dorëzimin e çelësave të banesave të rindërtuara pas tërmetit në Laç. Pas nënshkrimit të disa marrëveshjeve dhe protokolleve mes dy qeverive, Erdogan mbajti edhe një fjalim në kuvendin e Shqipërisë, ku kërkoi që të luftohej shtrirja e organizatës FETO, e cila konsiderohet terroriste në Turqi.
Presidenti turk e mbylli vizitën me përurimin e xhamisë së Et’hem Beut, të restauruar nga TIKA, Agjencia Turke për Bashkëpunim dhe Bashkërendim. Ai u prit në sheshin “Skënderbej” nga qindra mbështetës të ardhur edhe nga Maqedonia e Veriut e Kosova, të cilët mbanin flamuj të Shqipërisë dhe Turqisë.