Megjithë “hapat pozitivë” për të përmbushur kërkesat turke për solidaritet në luftën kundër terrorizmit, Ankaraja nuk është ende gati të mirëpresë Stokholmin në NATO, deklaroi presidenti turk Rexhep Tajip Erdogan.
”Qeveria e tij ende duhet të zbusë shqetësimet e opinionit publik turk se solidariteti në NATO sigurohet para zgjedhjeve të vitit të ardhshëm”, tha Erdogan në një konferencë të përbashkët për shtyp me kryeministrin suedez Ulf Kristersson në Ankara.
“Mendoj se miku im i dashur Kristersson do të më kuptojë menjëherë,” tha Erdogan, duke shtuar se ”Turqia ende pret hapa konkrete nga Suedia”, duke përfshirë riatdhesimin e disa të dyshuarve që Ankaraja i konsideron “terroristë”.
Erdogan emëroi ish-kryeredaktorin e një gazete tashmë të zhdukur, të lidhur me klerikun islamik me bazë në SHBA, Fethullah Gylen, si një nga të dyshuarit e kërkuar për riatdhesim.
Turqia e klasifikon grupin si terrorist.
Turqia kishte bllokuar Suedinë dhe Finlandën nga anëtarësimi në NATO, duke përmendur mbështetjen e tyre të supozuar për grupe të tilla si Partia e ndaluar e Punëtorëve të Kurdistanit (PKK) – të cilën BE dhe SHBA e klasifikojnë si organizatë terroriste.
”Turqia mbështet politikën e dyerve të hapura të NATO-s dhe shpreson se një takim i planifikuar midis tre vendeve në Stokholm më vonë këtë muaj do të prodhojë një rezultat më pozitiv”, shtoi Erdogan.