Pas 16 viteve në pushtet dhe në krye të njërit prej shteteve më të fuqishme në Evropë, kancelarja gjermane Angela Merkel pritet të largohet.
E për ta bërë sa më të ëmbël fundin e karrierës së saj, një fabrikë për prodhimin e ëmbëlsirave ka menduar një ide kreative, duke bërë ëmbëlsira me figurën e kancelares gjermane që konsiderohet si një ndër politikanet më të suksesshme.
“Është një dhuratë për përkrahësit ose kundërshtarët e Angela Merkelit, e cila po tërhiqet dhe që ka përfunduar shërbimin e saj. Shpresojmë që dikush do ta mbajë si kujtim diku në shtëpi”, tha Thomas Zuber nga kompania Odeanwaelder Marzipan.
Sipas Zuber, ëmbëlsirat janë përgatitur që të mund të qëndrojnë për të paktën dy vite, kështu përkrahësit e saj mund t’i mbajnë ato diku për ta kujtuar karrierën e bujshme të kancelares gjermane.