Policia italiane ka vendosur në pranga 40 anëtarë të grupit mafioz Ndrangheta. Ata akuzohen për trafik droge me bashkëpunëtorët e tyre në Amerikën Latine dhe pastrim të parave përmes bizneseve që zotëronin kinezët.

 

Mes personave të arrestuar janë katër shqiptarë dhe dy aziatikë. Ky operacion policor vjen si një finalizim i një hetimi katër vjeçar, i cili gjurmoi trafikun e 1.2 ton kokainë, 450 kg hashash dhe 95 kg marijuanë.

 

Advertisement
google_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";

Rrjeti ishte në gjendje të organizonte dërgesat e drogës nga kartelet e fuqishme të Amerikës së Jugut, në bashkëpunim me organizata kriminale kolumbiane, peruane, meksikane dhe boliviane. Paratë e përfituara nga aktivitetet kriminale iu kaloheshin në cash kinezëve, të cilët i përcillnin ato për t’i pastruar në njësi tregtare në Hong Kong.

 

Hetimi u ndihmua nga zbardhja e bisedave të koduara nga një ekip i përbashkët hetimor i Europolit, në bashkëpunim me amerikanët.

 

Advertisement
google_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";

Ndrangheta, e cila i ka rrënjët në rajonin jugor italian të Kalabrisë, ka tejkaluar Cosa Nostra-n si grupi mafioz më i fuqishëm në vend dhe një nga rrjetet më të mëdha kriminale në botë.