Ish-mjeku i ekipit kombëtar të gjimnastikës amerikane, Larry Nassar, është qëlluar disa herë me thikë gjatë një zënke në qeli, raporton BBC.
59 vjeçari i dënuar me 175 vjet burg për abuzim dhe ngacmim seksual të gjimnastëve, ndodhet në spital në gjendje të qëndrueshme pas sulmit të së dielës.
Ai u godit me thikë dy herë në qafë, dy herë në shpinë dhe gjashtë herë në gjoks. Asnjë personel apo i burgosur tjetër nuk u lëndua në incident.
Nassar pranoi se kishte sulmuar seksualisht atletët ndërsa punonte me programin e Gjimnastikës në SHBA dhe Universitetin Shtetëror të Miçiganit.
Ish-mjeku, i cili ka vuajtur dënimin në një burg federal në Florida, gjithashtu u deklarua fajtor për posedim të pornografisë së fëmijëve. Më shumë se 330 gra dhe vajza në USA Gymnastics dhe Michigan State University kanë akuzuar Nassar për abuzim seksual.