Ambasadori rus në SHBA, Anatoly Antonov, ka mbërritur në Departamentin e Shtetit në Uashington për një takim zyrtar pas incidentit me dronët rusë.
Antonov pritet të takohet me Ndihmës Sekretaren e Shtetit për Çështjet Evropiane Karen Donfried, tha një zyrtar i lartë i Departamentit të Shtetit.
“Antonov u thirr për të përcjellur kundërshtimet tona të forta”, tha të martën zëdhënësi i Departamentit të Shtetit Ned Price.
Nga ana tjetër, ambasadorja e SHBA-së në Rusi, Lynne Tracy, ka përcjellë një mesazh të fortë për Ministrinë e Punëve të Jashtme ruse, raportojnë mediat ndërkombëtare.
Këtë të martë avion luftarak rus u përplas me një dron amerikan mbi Detin e Zi, duke detyruar SHBA-në ta rrëzojë.
Sipas autoriteteve droni ishte në një mision rutinë në hapësirën ajrore ndërkombëtare kur dy avionë rusë u përpoqën ta kapnin atë.