Themeluesi i “Frateli di Italia”, Ognazio La Russa i partisë nacionaliste me rrënjë fashiste është zgjedhur në krye të senatit, në të parën mbledhje të dy dhomave të Parlamentit të dalë nga zgjedhjet e përgjithshme të 25 shtatorit.
Seanca u hap nga senatorja e përjetshme dhe më e vjetër Liliana Segre, e mbijetuar e holokaustit. 75-vjeçarja u zgjodh me 116 vota, kur nevojiteshin 104 me një shumicë të thjeshtë.
Votimi i fshehtë solli në krye të senatit La Rusan, pasi Berlusconi urdhëroi senatorët e partisë së tij “Forza Italia” të mos e votojnë. Në këtë mbledhje të parë pati debate mes ish-kryeministrit dhe kreut të ri të senatit. Mosmarrëveshjet lidhen me pakënaqësitë e Berlusconit për postet ministrore në qeverinë e re.
Përçarjet u shfaqën edhe në dhomën e ulët ku pavarësisht kandidaturave të shumta, dështuan dy raundet e para të zgjedhjes së kreut të ri. Kushtetuta parashikon që qeveria e re të zgjidhet pa mbaruar muaji tetor.