Pas pesë vitesh Italia dhe Belgjika përballen serish në kampionatin Evropian. Nëse herën e fundit, ndeshja e fituar nga italianet 2-0 vlente për fazën e grupeve, këtë të premte, rëndësia e saj është akoma më e madhe, pasi luhet për gjysmëfinalen e këtij turneu.
“Të kaltrit” kanë përjetuar një revolucion në ekip, si teknik ashtu edhe taktik, ndërsa Djajtë e Kuq kanë pothuajse të konfirmuar atë grup që ishte në fillim të ciklit dhe sot renditen si skuadra më e mirë në botë, sipas FIFA-s.
Lajme te mira vijnë për Mancinin, i cili tashme do të ketë ne dispozicion te gjithë lojtaret. Në seancën e fundit te “axurreve” në Coverciano është bashkuar me grupin dhe Alessando Florenci. Anesori i Romes u dëmtua ne ndeshjen e pare kundër Turqisë, por tashme eshte rikuperuar plotësisht, edhe pse nuk ka gjasa që në takimin e nesërm të jetë titullar.
Tekniku italian pritet që në sfidën ndaj Belgjikës të hedhë në fushë pothuajse te njëjtin formacion si ndaj Austrisë. Nëse Chiellini do të ndihet plotësisht i gatshëm, atëherë ai do të zinte vendin e Acerbit, për të formuar dyshen e qendrës së mbrojtjes me Bonuccin, ndërsa krahët do të mbulohen nga Di Lorenzo e Spinazzola. Mesfusha do të konfirmohet me treshen Barrella, Jorginho dhe Verrati. Në sulm, të sigurt janë Immobile dhe Insigne, ndërsa ka një balotazh mes Chiesa dhe Berardi..
Ndryshe paraqitet gjendja në kampin e “Djajve te kuq”. Trajneri Martinez mund të luaje pa dy lojtarë të rëndësishëm si Eden Hazard dhe Kevin De Bryne, pasi operacioni i rikuperimit te tyre duket i komplikuar. Të dy lojtarët u dëmtuan gjatë ndeshjes me Portugalinë dhe nuk kanë marrë pjesë në seancën e djeshme stërvitore të ekipit të tyre. Tekniku Belg shpreson se do t’i këtë në dispozicion, ose në të kundërt do të duhet të mendojë për një plan B rreth sfidës se nesërme. Pra nëse mesfushori i Manchester City dhe sulmuesi i Real Madrid nuk ia dalin, pritet te zëvendësohen nga Carrasco dhe Mertens.
Belgjike-Itali do të luhet këtë të premte në orën 21:00 në Allianz Arena, në Mynih dhe do të gjykohet nga arbitri slloven, Slavko Vincic.