Izraeli ka njoftuar se do të ofrojë mundësinë e vaksinimit për fëmijët tre vjeç e lart në prag të fillimit të vitit të ri shkollor.
Pavarësisht rritjes së numrit të infeksioneve në vend të lidhura me variantin Delta, qeveria izraelite dëshiron të shmangë shtyrjen e fillimit të vitit shkollor, të planifikuar për 1 Shtatorin. Izraeli ka filluar vaksinimin e fëmijëve mbi 12 vjeç dhe kjo fushatë testimi serologjike ka për qëllim fëmijët e moshës 3 deri në 12 vjeç.
Në Izrael rreth 30% e fëmijëve të moshës 12-15 vjeç kanë marrë dy doza të vaksinës. Kjo shifër është shumë më e ulët se çdo grupmoshë tjetër.
Disa anëtarë të kabinetit qeveritar kanë kundërshtuar idenë e vaksinimit nëpër shkolla. Qeveria izraelite miratoi masa të reja kufizimi si dhe ofroi një dozë të tretë të vaksinës për njerëzit e moshës 40 vjeç e lart dhe mësuesit.
Izraeli ishte një nga të parët që nisi në mes të Dhjetorit një fushatë të gjerë vaksinimi e cila zvogëloi në mënyrë drastike infeksionet.
Sidoqoftë, rastet janë rritur përsëri javët e fundit me përhapjen e variantit Delta tek të rriturit e pavaksinuar, por edhe tek personat që kanë marrë dozat e tyre më shumë se para gjashtë muajve.