Më shumë se 1 milion izraelitë mbi 60 vjeç kanë marrë tashmë dozën e tretë të vaksinës kundër koronavirusit, teksa qeveria miratoi injektimin “përfocues” në grupmoshën mbi 50 vjeç.
Ministri i Shëndetësisë tha se vendi ndodhet në një “fazë kritike” të pandemisë dhe për këtë arsye morën këtë vendim. Izraeli është vendi i parë që miratoi dozën e tretë kundër Covid.
Edhe Shtetet e Bashkuara të Amerikës kanë paralajmeruar se do të marrin një vendim të ngjashëm. Doza përforcuese do të merret tetë muaj pasi është bërë vaksinimi plotë.
Ndërkohë Ministria e Shëndetësisë së Kosovës ka aprovuar vaksinimin e fëmijëve mbi moshën 12-vjeçare. Sipas autoriuteteve kosovare, një vendim i tillë vjen pas rekomandimit të ekspertëve nga Evropa dhe nga SHBA. Edhe Turqia ka vendosur nisjen e vaksinimit për grupmoshat mbi 15 vjeç. Sipas qeverise turke e drejta për t’u vaksinuar është përcaktuar për personat mbi 15-vjeç dhe për personat mbi 12-vjeç me sëmundje kronike.
Ndërsa Maqedonia e Veriut ka ashpërsuar masat për udhëtarët duke kërkuar certifikatën e vaksinimit, testin PCR të negativizuar ose vërtetimin se kanë kaluar Covid-19. Por këto masa nuk përfshijnë fëmijët.