Qeveria japoneze vendosi të premten të ndalojë eksportet e 164 mallrave në Rusi, duke përfshirë vajin e motorit të automobilave dhe pajisjet optike.
Kabineti miratoi ndalimin e eksportit për artikujt që mund të forconin bazën industriale të Rusisë, si pjesë e sanksioneve kundër Moskës për pushtimin e saj në Ukrainë. Ndalimi do të hyjë në fuqi më 17 prill.
Gjithashtu të premten, ministria japoneze e tregtisë tha se ka rishikuar një njoftim ministror për të ndaluar importet e diamanteve joindustriale ruse, të përdorura në bizhuteri. Masa hyn në fuqi më 10 maj.
“Ne do të bëjmë çdo përpjekje për të zbatuar ndalimin e eksporteve dhe importeve nga Rusia në bashkëpunim me komunitetin ndërkombëtar”, tha në një konferencë shtypi ministri i tregtisë Ken Saito. /vizionplus.tv