Çmimi Nobel për Letërsi për vitin 2023 e ka fituar dramatugru norvegjez Jon Fosse.
Siç ka bërë të ditur akademia suedeze ai ështe vleresuar për kontributin e tij në veprat që i japin zë të pathënave.
Shkrimtari dhe dramaturgu 64 vjeçar, ka lindur në bregun perëndimor të Norvegjisë.
Shkrimet e tij përbëhen nga rreth 40 drama, si dhe një numër romanesh, poezish, eseistike, libra për fëmijë dhe përkthime.
Ai është bërë i njohur si dramaturg me veprën “Dikush do të vijë”.
Fosse , i cili shkruan në mënyrën më të pazakonshme të dy versioneve zyrtare të gjuhës norvegjeze, ka thënë se e konsideron çmimin edhe si promovim për gjuhën, duke thënë se Nobelin ia dedikon vetë asaj.
E njohur si “norvegjishtja e re” dhe e përdorur nga rreth 10 për qind e popullsisë së Norvegjisë, versioni që përdor Fosse është krijuar në shekullin e 19-të në zonat rurale, duke e bërë atë alternativë ndaj gjuhës daneze që është përdorur përgjatë një bashkimi 400-vjeçar me Danimarkën.
Veprat e Fosse janë përkthyer në shumë gjuhë të botës megjithatë nuk ka ende ndonjë përkthim të tij në gjuhën shqipe.
Kandidat për cmimin Nobel në letërsi ishte për të disatën herë edhe shkrimtaroi shqiptar Ismail Kadare dhe emrat me te njohur te letersise boterore.