Hamasi ka njoftuar se nuk do të marrë pjesë në raundin e ri të bisedimeve për një armëpushim në Gaza. Negociatat pritet të zhvillohen të enjten, më 15 gusht në Katar, ndërsa burime iraniane thonë se arritja e armëpushimit mund të parandalojë një sulm të Teheranit ndaj Izraelit.
Shtetet e Bashkuara kanë thënë se presin që bisedimet indirekte të zhvillohen siç është planifikuar në kryeqytetin e Katarit Doha të enjten dhe se një marrëveshje armëpushimi është ende e mundur.
Çfarë thotë Irani për një sulm ndaj Izraelit?
Sipas tre zyrtarëve të lartë iranianë, vetëm një marrëveshje armëpushimi do ta pengonte Iranin që të hakmerrej menjëherë kundër Izraelit për vrasjen e liderit të Hamasit Ismail Haniya në tokën e tij muajin e kaluar.
Qeveria izraelite ka thënë se do të dërgojë një delegacion në bisedimet e nesërme, por Hamasi, i cili kontrollon Gazën, ka kërkuar një plan të realizueshëm për të zbatuar një propozim që e ka pranuar tashmë në vend të më shumë bisedimeve./vizionplus.tv