Kina “do të mbrojë me vendosmëri sovranitetin kombëtar dhe integritetin territorial”, tha sot një zëdhënës i forcave ajrore të vendit duke iu referuar Tajvanit, ndërsa tensionet mbi ishullin përshkallëzohen.
Sipas medieve shtetërore, zëdhënësi i forcave ajrore Shen Jinke tha në një shfaqje ushtarake se forcat ajrore kanë shumë lloje avionësh luftarakë që mund të rrethojnë “ishullin e çmuar të atdheut”.
Kryetarja e Dhomës së Përfaqësuesve të SHBA, Nancy Pelosi, e treta në radhë për të zëvendësuar presidentin e SHBA nëse është e nevojshme, la të kuptohet të premten se ajo do të bëjë një udhëtim në Azi.
Ajo nuk e përmendi Tajvanin, por ditët e fundit janë intensifikuar spekulimet për vizitën e saj atje, duke nxitur më tej tensionet.
Pekini e konsideron Tajvanin një provincë kineze, një vend me një qeveri të zgjedhur në mënyrë demokratike.
Presidenti kinez Xi Jinping paralajmëroi homologun e tij amerikan Joe Biden të enjten se Uashingtoni duhet të respektojë parimin e Kinës, duke deklaruar se “ata që luajnë me zjarrin do të humbasin prej tij”.
Shen tha sot: “Forcat ajrore kanë vullnet të fortë, besim të plotë dhe aftësi të mjaftueshme për të mbrojtur sovranitetin kombëtar dhe integritetin territorial.”