Gjenerali i lartë amerikan, Mark Milley, e ka krahasuar testimin e fundit kinez të raketës hipersonike “si një çast tepër i ngjashëm me Sputnik”, duke iu referuar lëshimit të satelitit sovjetik që ndezi garën e armëve të Luftës së Ftohtë.
“Nuk e di nëse është një moment Sputnik, por mendoj se është shumë afër kësaj”, tha ai në një dalje për mediat.
Ashtu si nisja e Sputnik, analistët kanë thënë se testi i Kinës mund të nisë një garë të vazhdueshme teknologjike midis superfuqive.
Milley shtoi se zhvillimi i sistemit të armëve të Kinës ishte “shumë shqetësues”.
Javën e kaluar, “Financial Times” raportoi se Kina kishte kryer jo një, por dy teste të një sistemi të ri armësh hipersonike, për të cilin analistët thanë se mund të dërgojë ngarkesa jashtëzakonisht shpejt, të shmangë sistemet moderne të radarëve dhe ka të ngjarë të tejkalojë shumë kapacitetet aktuale të SHBA-ve.
Gazeta raporti se më 27 korrik, Pekini lëshoi një raketë që përdori një sistem “bombardimi orbital të pjesshëm”.
Më 13 gusht, Kina kreu testin e saj të dytë hipersonik.
Pekini, nga ana e tij, ka mohuar se po testonte një armë hipersonike, duke thënë se testi ishte i një anije kozmike.
“Financial Times” raportoi këtë muaj se testi habiti ushtrinë amerikane.
A mundet raketa hipersonike e Kinës të ndezë një garë të re armësh?
Komenti i tij është pranimi i parë zyrtar nga SHBA i pretendimeve se Kina kreu dy teste raketash gjatë verës.
Raportet tregojnë se ishte një raketë me aftësi bërthamore që mund të shmangte sistemet e mbrojtjes ajrore amerikane.
Lëshimi i Sputnik me satelit sovjetik në vitin 1957 tronditi amerikanët, të cilët kishin frikë se sovjetikët po ecnin përpara në aftësinë teknologjike.
Ngjarja e nxiti presidentin, John F Kennedy, të deklaronte se SHBA-të do të zbarkonin njerëzit në Hënë, një qëllim i arritur në më pak se një dekadë.
Zëdhënësi i Pentagonit John Kirby refuzoi të komentojë komentet e gjeneralit në një konferencë të së mërkurës.
Ai theksoi se, “kjo nuk është një teknologji e huaj për ne, për të cilën nuk kemi menduar për një kohë”.
Kirby shtoi se, SHBA-të po punojnë për të forcuar sistemet e mbrojtjes dhe për të ndjekur aftësitë e veta hipersonike.
Raketat hipersonike janë të afta të udhëtojnë me pesë herë shpejtësinë e zërit.
Ato konsiderohen më të manovrueshme se raketat konvencionale dhe më të afta për të shmangur përgjimin nga mbrojtja ajrore.