Koreja e Veriut vijon të shkaktojë tensione në rajon. Mediat ndërkombëtare raportojnë se regjimi i Kim Jong Un ka lëshuar një raketë balistike nga një nëndetëse pranë brigjeve të Japonisë.
Koreja e Veriut është ndaluar nga Kombet e Bashkuara për të testuar raketa balistike, si dhe armë bërthamore, por duket se këto thirrje nuk janë dëgjuar nga vendi komunist.
Qeveria e Kim Jong Un, nuk ka reaguar lidhur me këtë provë të re të raketës balistike, por kanë qenë zyrtarët e Koresë së Jugut ata që kanë dhënë detaje lidhur me këtë operacion.
Mësohet se arma bërthamore u lëshua nga porti Sinpo, në lindje të Koresë së Veriut, në Detin Lindor, i njohur gjithashtu si Deti i Japonisë.
Kjo provë nga regjimi i Kim Jong Un vjen disa javë pasi Koreja e Jugut zbuloi armën një armë të tillë dhe bëri prova për efektivitetin e saj.
Lidhur me këto veprime të vendit komunist, Koreja e Jugut, Japonia dhe shefat e inteligjencës amerikane do të takohen në Seul për të vendosur se çfarë do të bëhet më tej.