“Korridoret humanitare, plan djallëzor i Rusisë për të futur në kurth civilët”

Rusia tha të martën se ka hapur korridoret humanitare për të mundësuar evakuimin e civilëve nga disa qytete të Ukrainës.

Ministria e Mbrojtjes e Rusisë tha se korridoret u hapën nga ora 10 e mëngjesit.

Qendra për Komunikime Strategjike dhe Siguri të Informacionit në Ukrainë tha se megjithëse Ministria Ruse e Mbrojtjes ka rënë dakord zyrtarisht për korridorin humanitar, Irina Vereshchuk ka paralajmëruar: “Pala ruse po përgatitet të ndërpresë punën e korridoreve humanitare dhe të manipulojë rrugën për të detyruar njerëzit të shkojnë në anën tjetër.”