Ignazio La Russa është presidenti i ri i senatit italian. Ai është zgjedhur me 116 vota pro, 104 nga shumica, 12 nga pakica, 65 senatorë abstenuan, ndërsa 16 të Forza Italia nuk morën pjesë në votim.
La Russa është anëtari i parë i Fratelli d’Italia që mban një pozicion institucional të kësaj rëndësie dhe anëtari i dytë i ish-Lëvizjes Sociale, që e bën këtë pas Gianfranco Fini , i cili ishte kryetar i Dhomës mes viteve 2008 dhe 2013.
Pas zgjedhjes si president i senatit La Russa u shpreh.
IGNAZIO LA RUSSA
PRESIDENTI I RI I SENATIT ITALIAN
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Më duhet të them që të jem i zgjedhur edhe me vota jo të qendrës së djathtë e bën zgjedhjen time edhe më emocionuese. Ishte një fitore politike, por ishte edhe një fitore politike për sa i përket marrëdhënieve njerëzore.
Karriera e Ignazio La Russa, 75-vjeç karakterizohet me gjysmë shekulli kontribut në politikën italiane.
I lindur në Catania, në fillimet e hershme ai ka qenë avokat penalist. Në vitet 70 ai u bë sekretar i Frontit Rinor.
Ndër postet e spikatura të mbajtura nga La Russa është roli i drejtuesit të Departamentit të Mbrojtjes, pozicion i mbajtur me qeverinë Berlusconi dhjete vjet me parë.
Presidenti i sapozgjedhur i senatit ka spikatur shpesh në të kaluarën për disa beteja në çështjet e të drejtave të njeriut: ai është kundër birësimeve homoseksuale.
Në dhjetor 2012 ai themeloi së bashku me Guido Crosetto dhe Giorgia Meloni, Fratelli d’Italia.