I dërguari i Bashkimit Evropian për dialogun Kosovë-Serbi, Miroslav Lajçak është takuar ditën e sotme me kryeministrin e Kosovës, Albin Kurtin.
Takimi mes Laçak dhe Kurtit u bë në sajë të Forumit Strategjik të Bledit në Slloveni.
Përmes një postimi në rrjetet sociale, Lajçak shprehet se në fokus të diskutimeve ishte takimi që do të bëhet në Bruksel mes Kurtit dhe Vuçiç në kuadër të dialogut.
Po ashtu, ai deklaron se u diskutua rëndësia e zbatimit të marrëveshjes së 3 qershorit.
“Pata një takim të rëndësishëm me kryeministrin Albin Kurti, sot në Bled. Tema jonë kryesore e diskutimit ishin përgatitjet e takimit të radhës të dialogut të nivelit të lartë në shtator me fokus normalizimin e marrëdhënieve dhe zbatimin e deklaratës të 3 qershorit”, shkroi Lajçak.