Lituania po ndihmon Ukrainën të rindërtojë infrastrukturën e saj energjetike, njoftoi sot operatori i rrjetit “Litgrid”, pas sulmeve të shumta nga forcat ruse.
“Litgrid” po ofron një paketë të ndihmës të përbërë nga një fabrikë dhe pajisje me vlerë rreth 3.6 milionë euro (3.9 milionë dollarë), grupi i parë i pajisjeve që do të dërgohet në javët në vijim”, sipas një deklarate.
Shefi ekzekutiv i “Litgrid”, Rokas Masiulis tha se kompania kishte disa pajisje të përdorshme në rezervat e saj pas përmirësimit të infrastrukturës së saj.
“Ky material do t’i dorëzohet kompanisë ukrainase të shërbimeve “Ukrenergo”, tha ai.
Lituania është një nga vendet e pakta që ka ende pajisje të dizajnuara nga sovjetikët që përdoren gjithashtu në sektorin energjetik të Ukrainës.
Rusia ka shënjestruar në mënyrë të përsëritur infrastrukturën energjetike të Ukrainës me sulme masive raketore, që kanë çuar në ndërprerje të vazhdueshme të energjisë elektrike në të gjithë vendin.