Sekretari i Përgjithshëm i OKB-së, Antonio Guterres, ka theksuar se lufta në Ukrainë duhet të inkurajojë botën që të përshpejtojë kalimin në energjinë e rinovueshme.
Ky mesazh vjen teksa OKB-ja nxjerr vlerësimin më të zymtë se si ndryshimi i klimës po ndikon në botë.
“Lëndët djegëse fosile janë rrugë pa krye”, ka pohuar Guterres.
Sipas tij, konflikti në Ukrainë tregon se mbështetja e vazhdueshme te lëndët djegëse fosile “e bën ekonominë globale dhe sigurinë energjetike të cenueshme ndaj goditjeve dhe krizave gjeopolitike”.
Gjithashtu ka vijuar se një “tranzicion i shpejtë dhe i menaxhuar mirë drejt burimeve të rinovueshme” është e vetmja rrugë drejt sigurisë së energjisë dhe vendeve të gjelbra që i duhen botës.
Një e katërta e importeve të naftës së Bashkimit Evropian vjen nga Rusia, së bashku me thuajse gjysmën e gazit.
Paniku që veprimet e Putin-it shkaktuan në tregjet e energjisë vetëm sa i ka rritur fitimet që Rusia korr, duke rritur çmimin që të gjithë paguajnë për energjinë.
Çka është një arsye që tanimë po orienton drejt furnizimeve alternative.