Miratimet për eksportet gjermane të armëve u rritën me një të katërtën në gjysmën e parë të 2023 me grupin më të madh të destinuar për në Kiev, tha të martën Ministria Gjermane e Ekonomisë.
Ndërsa aleatët rritin ndihmën ushtarake për të nxitur kundërsulmin e Ukrainës, Gjermania lëshoi licenca individuale me vlerë rreth 5.22 miliardë euro vetëm këtë vit për eksportet e pajisjeve ushtarake, raporton CNN. Në gjysmën e parë të 2022, vlera totale arriti në 4.16 miliardë euro.
Më shumë se një e treta e eksporteve gjermane të armëve, rreth 1.65 miliardë euro shkuan në Ukrainë. Hungaria ishte marrësi i dytë më i madh.
Sekretari gjerman i shtetit Sven Giegold tha në një deklaratë se vlera e eksporteve tregoi mbështetjen e vazhdueshme të Gjermanisë për Ukrainën në vetëmbrojtje të saj kundër luftës së agresionit rus, e cila është në kundërshtim me ligjin ndërkombëtar.