Vaksina e kompanisë Pfizer është efektive 90%. Kjo u njoftua nga presidenti i Pfizer, Albert Bourla. Ministri gjerman i Shëndetësisë menjëherë foli për rezultate inkurajuese. Vaksina u zhvillua nga American Big Pharma Pfizer së bashku me kompaninë gjermane të bioteknologjisë BioNTech.
Parashikimi është që vaksinën ta kenë në dispozicion Shtetet e Bashkuara të Amerikës brenda nëntorit dhe së shpejti edhe në Evropë. Vaksina është e përshtatshme për njerëzit midis 16 dhe 85 vjeç. Do të nevojiten dy doza, edhe nëse të dhënat tregojnë se ka dhënë rezultate të mira që në dozën e parë. Dozat duhet të mbahen në minus 80 gradë.
Fazat një dhe dy të provave, gjatë verës, matën prodhimin e antitrupave tek vullnetarët. Faza tre u përdor për të llogaritur efektivitetin. Me këtë vaksinë janë testuar 45 mijë vullnetarë.
Brenda muajit ose në dhjetor priten të dhëna edhe nga dy vaksinat e tjera: AstraZeneca me Oxford dhe Moderna. Johnson & Johnson gjithashtu pritet të përfundojë testimin në dhjetor