Një video ku Vladimir Putin shfaqet duke u kollitur gjatë një mbledhje qeverie, ka shqetësuar jo pak dhe e ka detyruar presidentin rus që të mohojë se është i infektuar me Covid-19.
Por spekulimet nuk janë ndalur, pasi Putin ka anuluar edhe praninë në një konferencë të G20-s për Afganistanin.
Kolla që e ngacmonte vazhdimisht, ngriti dyshimet se presidenti rus është vërtet i sëmurë, por kjo nuk pohohet publikisht.
Disa thonë se gjendja shëndetësore është pikërisht arsyeja përse Putin ka shmangur disa takime. 69-vjeçari u përpoq t`i bindte ministrat e tij se është mirë dhe ka mjaftueshëm antitrupa, ndërsa për kollën fajësoi “ajrin e ftohtë”.
Politikania Valentinna Matviyenko, tha megjithatë se kolegët e saj janë të shqetësuar për shëndetin e kreut të shtetit, i cili nuk e mori dozën e dytë të vaksinës antiCovid me pretendimin se ka një numër të madh antitrupash në organizëm.