Organizata Botërore e shendetësisë (OBSH) deklaroi se po punohet për modifikimin e vaksinave kundër llojit të ri shqetësues të koronavirusit që ka rezultuar në ndalimin e udhëtimeve.
Varianti, i quajtur Omicron dhe i caktuar si një “variant i shqetësimit” nga Organizata Botërore e Shëndetësisë (OBSH), arriti në Belgjikë pasi u zbulua në Afrikën e Jugut.
OBSH paralajmëroi se provat paraprake sugjerojnë se varianti ka një rrezik të shtuar të riinfeksionit dhe mund të përhapet më shpejt se llojet e tjera. Një numër kompanish farmaceutike kanë thënë se po punojnë për të përshtatur vaksinat e tyre në dritën e shfaqjes së Omicron.
Sekretari britanik i Shëndetësisë, Sajid Javid tha se kishte “shqetësim të madh ndërkombëtar” për llojin pasi ndaloi fluturimet nga Afrika e Jugut, Botsvana, Lesoto, Eswatini, Zimbabve dhe Namibia për të kufizuar përhapjen e tij.
Javid u tha deputetëve se ‘’ka shqetësime se varianti mund të jetë më i transmetueshëm, t’i bëjë vaksinat ekzistuese më pak efektive’’. BE, SHBA dhe Kanadaja ndoqën të gjitha lëvizjen e Britanisë së Madhe për të vendosur kufizime të udhëtimit për vizitorët nga Afrika Jugore përpara se OBSH të shtonte llojin, i njohur gjithashtu si B.1.1.529, në kategorinë e tij më të lartë për sa i përket varianteve.