Papa Françesku i bëri apel qeverive dhe institucioneve të rëndësishme shëndetesore në botë që vaksina për Covid-19 të jetë universale dhe të mos I jepet përparësi të pasurve.
“Do të ishte e trishtuar nëse në vaksinën Covid-19 përparësia do t’i jepej më të pasurve. Do të ishte e trishtuar nëse kjo vaksinë do të bëhej pronë e një kombi të tillë ose të tillë, jo universal për të gjithë, ishin fjalët e Papa Françeskut në audiencën e përgjithshme të së mërkurës.”
Ati i Shenjtë shtoi se pandemia e ka rritur shumë pabarazinë dhe diskriminimin në botë.
“Pandemia ka rritur pabarazitë dhe diskriminimin. Ajo ka ekspozuar gjendjen e të varfërve dhe pabarazinë e madhe që mbretëron në botë. Dhe virusi, ndërsa nuk bën përjashtime në mesin e njerëzve, ka gjetur, në rrugën e tij shkatërruese, pabarazi të mëdha dhe diskriminim duke I rritur ato”.
Papa Françesku: Vaksina të jetë universale, e trishtë nëse favorizohen të pasurit shkruan Vizion Plus.