Luftimet mez Izraelit dhe Palestinës kanë shkaktuar dëme të mëdha tek civilët, ku kanë humbur jetën mijëra persona dhe shumë të tjerë janë marr peng.
Por për këta të fundit, ka një dritë në fund të tunelit. Armëpushimi mes dy palëve ka sjellë lirimin e pengjeve, ku shumë palestinezë janë zhvendosur në qytetin Deir el-Balah. Fëmijët kanë përfituar nga qetësia e bombardimeve izraelite dhe kanë marrë rrugën për në Deti Mesdhe.
Në breg, fëmijët shijojnë diellin dhe dallgët e detit, teksa në qetësinë e tyre luajnë me rërën apo lisharëset që ndodhen aty.
“Deti do të thotë shumë për mua, tha njw palestinez, teksa shtoi se është një lirim i shkëlqyeshëm për të gjithë ata që ndiheshin të zhytur dhe të rrethuar nga presionet psikologjike të pamundësisë për të ofruar siguri për familjen e tyre.
Al-Toum nuk ka bërë dush për 20 ditë dhe është mirënjohës që shpëtoi nga “sëmundja dhe papastërtia” e strehës së shkollës.
“Doja t’i merrja fëmijët për të ndryshuar peizazhin, për t’i larë në det, për të dalë nga psikologjia e luftës,” tha ai.
“Të vraposh në det, të bërtasësh, të bërtasësh – duke i lënë të gjitha jashtë në mënyrë që njeriu të ketë energji për të vazhduar këmbënguljen.
“Ka qenë një kohë kaq e tmerrshme, por ne jemi më të fortë se pushtimi izraelit,” tha ai.
Pas sulmit të befasishëm të Hamasit më 7 tetor mbi qytetet dhe bazat e ushtrisë izraelite në jug të Izraelit, i cili vrau 1200 njerëz, Izraeli filloi sulmet e tij më shkatërruese deri më tani në Rripin e Gazës.
Gjatë më shumë se 50 ditëve, forcat izraelite kanë vrarë më shumë se 14,800 njerëz, duke përfshirë 6,150 fëmijë. Më shumë se 7,000 të tjerë, përfshirë 4,700 gra dhe fëmijë, janë të zhdukur, të supozuar të vdekur nën rrënojat e shtëpive të tyre./ Burimi Al Jazeera