Ligjvënësit gjermanë ranë dakord të ndryshojnë kushtetutën, duke i hapur rrugën një investimi historik prej 100 miliardë eurosh (107 miliardë dollarë) në ushtri.
Fondi special për ushtrinë u njoftua nga kancelari Olaf Scholz disa ditë pas pushtimit rus të Ukrainës, duke argumentuar se ishte një “pikë kthese në histori”.
Ndryshimi kushtetues ishte i nevojshëm për financimin e investimeve të mëdha ushtarake nëpërmjet kredive. Kushtetuta gjermane normalisht kufizon shumën e borxhit të ri që një qeveri mund të marrë përsipër.
Propozimi arriti në shumicën e dy të tretave të kërkuara në dhomën e ulët, ose Bundestag, të premten pas një marrëveshjeje midis partive të koalicionit të qendrës së majtë dhe opozitës konservatore.
Amendamenti kushtetues kërkon gjithashtu një shumicë prej dy të tretash në dhomën e lartë.