Organizata më e madhe myslimane e Shteteve të Bashkuara për të drejtat civile tha se raportet për sulme, frikësim dhe ngacmime kundër muslimanëve në vend janë në rritje që nga shpërthimi i luftës midis Izraelit dhe Hamasit.
Në një raport të botuar javën e kaluar, Këshilli për Marrëdhëniet Amerikano-Islamike tha se mori 774 ankesa nga 7 tetori deri më 25 tetor, krahasuar me një periudhë mesatare 16-ditore prej rreth 225 ankesash vitin e kaluar.
Organizata jofitimprurëse tha se kjo është vala më e madhe e raporteve të regjistruara që nga fundi i vitit 2015, por paralajmëroi se numri i vërtetë i incidenteve ka të ngjarë të jetë shumë më i lartë, raporton CNN.
“Hera e fundit që pamë një valë islamofobie si kjo ishte dhjetori i vitit 2015. Donald J. Trump kishte shpallur planin e tij për të ndaluar muslimanët nga vendi. Dhe si rezultat që hapi një valë incidentesh paragjykimesh, akte të tjera frikësimi ndaj komunitetit mysliman”, tha Corey Saylor, drejtor kombëtar i kërkimit dhe avokimit të CAIR, për CNN të martën.
Në tetor, CAIR dokumentoi incidente anti-myslimane që variojnë nga vrasja e një djali musliman palestinezo-amerikan gjashtëvjeçar e deri te njerëzit që drejtonin automjete drejt demonstruesve pro-palestinezë.