Një pikturë holandeze 400-vjeçare, është zbuluar në një depo në Australi. Ekspertët vlerësojnë se “Still Life” mund të vlejë miliona dollarë.
Vepra, e cila i atribuohet Gerrit Willemsz. Heda, i përket shekullit të 17-të nga Epoka e Artë holandeze, dhe u zbulua mes një koleksioni prej 60.000 pjesësh pasi ndërtesa dhe përmbajtja e saj iu dhuruan Fondit Kombëtar të Australisë (NSW).
“Të gjeja një pikturë autentike të shekullit të 17-të në depon time në National Trust ishte përtej emocionit – më la pa frymë”, tha menaxherja e koleksioneve të National Trust, Rebecca Pinchin.
Një zëdhënëse tha se vlera e veprës së artit është ende duke u vlerësuar, por ekspertët besojnë se mund të vlejë miliona dollarë australianë. Veprat e Hedës zakonisht vlerësohen në rreth 4 deri në 5 milionë dollarë australianë (2.9 deri në 3.7 milionë dollarë), shtoi zëdhënësja.