Presionit kundër qeverisë izraelite për armëpushim të konfliktit, përveç ndërkombëtarëve i janë shtuar edhe populli izraelit.
Mijëra izraelitë u mblodhën në Tel Aviv të shtunën në mbrëmje duke kërkuar lirimin e pengjeve nga Hamasi dhe duke kritikuar qeverinë izraelite për mënyrën se si po përballet me krizën e nisur në më shumë se një muaj më parë.
Në pankartat që mbanin qytetarët shkruhej ‘lufta nuk ka fitues’ ‘armëpushim tani’ ‘ndaloni dhunën’ ‘shpëtoni fëmijët’ etj.
Ndërsa në Britani u shënua protesta më e madhe ndonjëherë pro Palestinës më mbi 300 mijë demonstrues që marshuan në qendër të Londrës.
Gjatë protestës pati edhe përplasje, ndërsa policia arrestoi rreth 150 persona për shmangur përplasjet mes demonstruesve.
Në Gjermani Francë dhe Spanjë pati gjithashtu tubime që i bënin thirrje qeverisë izraelite për armëpushim të menjëhershëm.