Qeveria libaneze duket se është drejt dorëheqjes. Pas zemërimit të qytetarëve prej shpërthimit të ndodhur të martën e kaluar në Bejrut, ku u vranë 200 persona, raportohet se kabineti qeveritar do të dorëzohet.
Ministri i Shëndetësisë, Hamad Hasan tha për mediat e huaja se shumë shpejt do të ketë një njoftim zyrtar për këtë çështje.
Tre ministra tashmë janë larguar, por ka pasur thirrje që i gjithë kabineti të dorëhiqet.
Shumë prej protestuesve kanë akuzuar liderët e Libanit për shpërthimin. Sipas tyre, qeveritarët janë treguar të pakujdesshëm dhe kanë kryer korrupsion.
Presidenti dhe kryeministri kanë thënë se tragjedia ishte rezultat i shpërthimit të 2,750 ton nitrat amoniumi që ishte ruajtur për gjashtë vjet pa masa sigurie në portin e Bejrutit.
Qeveria e Libanit drejt dorëheqjes pas shpërthimit e protestave shkruan Vizion Plus.