Udhëheqësi i Houthi tha se rebelët jemenas të mbështetur nga Irani nuk kishin lejuar asnjë anije të lidhur me Izraelin të kalonte nëpër Gjirin e Adenit gjatë javës së kaluar.
“Amerikanët dhe britanikët nuk arritën të siguronin kalimin e asnjë anijeje që shkonte për në Izrael. Ata nuk mund të mbrojnë më as anijet amerikane apo britanike. Kjo është një fitore e vërtetë dhe e madhe për ne”, theksoi Abdel Malik al-Houthi në një fjalim televiziv.
Huthi, të cilët kontrollojnë zonat më të populluara të Jemenit, kanë nisur vazhdimisht sulme ndaj anijeve tregtare në Detin e Kuq dhe Gjirin e Adenit në një shfaqje “solidariteti” me palestinezët në Rripin e Gazës.
Megjithëse forcat e SHBA-së dhe aleatëve kanë shtuar operacionet e tyre në Jemen dhe jashtë vendit të shkatërruar nga lufta për të mbrojtur anijet, Houthi-t vazhdojnë sulmet e tyre me dronë dhe raketa, duke detyruar anijet e shumë të devijojnë rrugë./vizionplus.tv