Rrëzimi i një helikopteri në periferi të Kievit u mori jetën 18 personave, përfshirë ministrin e brendshëm të Ukrainës dhe dy fëmijëve.
Ministri i Brendshëm Denis Monastirskyi, zëvendësi i tij Jevhen Jenin dhe Sekretari i Shtetit i Ministrisë së Brendshme Yuri Lubkovych ishin mes viktimave, tha shefi i Policisë Kombëtare.
Si pasojë e rrëzimit të helikopterit, të 9 personat që gjendeshin në bordin e tij përfshirë zyrtarët, pilotet dhe truprojat e tyre humbën jetën. Helikopteri u rrëzua mbi një kopsht fëmijësh, duke shkaktuar edhe vdekjen e dy prej tyre ndërsa 10 të tjetër po marrin trajtim në spital.
Guvernatori i rajonit të Kievit, Oleksiy Kuleba, shkroi në Telegram se një helikopter është rrëzuar pranë një kopshti dhe një ndërtese banimi. Në momentin e tragjedisë, në kopsht kishte fëmijë dhe punonjës të institucionit.
Ende nuk dihet çfarë e shkaktoi rrëzimin e helikopterit, ndërsa vijojnë hetimet për zbardhjen e plotë të ngjarjes.