Presidenti i Ukrainës thotë se situata në zonën lindore të Donetsk është jashtëzakonisht e vështirë dhe luftimet në rrugë vazhdojnë të bëhen edhe më të ashpra.
Në fjalimin e tij para ukrainasve, Zelenskiy tha se qytete të tëra janë nën breshërinë e bombardimeve ruse.
VOLODYMYR ZELENSKIY
PRESIDENTI I UKRAINES“Trupat ruse qëlluan përsëri në zonat kufitare të rajonit Sumy, Mykolaiv dhe ne rajonin e Zaporizhia e Kharkiv. Situata në Severodonetsk, ku luftimet në rrugë vazhdojnë, mbetet jashtëzakonisht e vështirë. Situata është gjithashtu e vështirë edhe ne qytete dhe komunitete të tjera të Donbasit. “
Raportohet se sulmet me raketa dhe artileri nga ana e ruseve kane vazhduar pa ndërprerje në rajonin e Donbasit.
Gjithashtu presidenti Zelenskiy tha se kisha kryesore në Lavra Sviatohirsk, një nga vendet më të shenjta të krishtera ortodokse të vendit, u dogj pas bombardimeve.
Zelenskiy tha se tre murgj në Lavra Sviatohirsk u vranë, ndërsa sipas tij, 113 kisha ortodokse janë shkatërruar nga Rusia që nga fillimi i pushtimit të Ukrainës me 24 shkurt.
Ndërkohë raportohet se mëngjesin e kësaj të diele sirenat e Kievit janë ndezur serish dhe ka pasur një numër të sulmeve ruse mbi kryeqytet. Kryebashkiaku i Vitali Klitschko shkruajti në rrjetin e tij social se një person është plagosur pas bombardimeve që goditën kryeqytetin.