Presidenti i Shteteve të Bashkuara të Amerikës deklaroi se do të rrisë numrin e trupave ushtarake në Evropën Lindore, mes tensioneve Ukrainë-Rusi. “Nuk do të jetë një numër i madh” – u shpreh kreu i Shtëpisë së Bardhë, teksa përsëriti se ushtarët nuk do të dërgohen në Ukrainë, e cila nuk është anëtare e Aleancës së Atlantikut të Veriut.
Shtimi i trupave vendet e Europës shihet si një presion ndaj presidentit rus Vladimir Putin.
Sekretari amerikan i Mbrojtjes nënvizoi se Kremlini ka tashmë aftësinë ushtarake për të vepruar kundër Ukrainës.
LLOYD AUSTIN
SEKRETAR I MBROJTJES, SHBA
“Nuk besojmë se presidenti Putin ka marrë një vendim përfundimtar për t’i përdorur këto forca kundër Ukrainës, por tani është e qartë që ai e ka aftësinë ta bëjë një gjë të tillë.”
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Ndërkohë gjenerali amerikan, Mark Milley, tha se formacionet ruse pranë kufirit shkojnë përtej forcave tokësore, ajrore dhe detare dhe përfshijnë edhe luftën kibernetike dhe aftësitë logjistike. Ai theksoi se pushtimi i Ukrainës do të ishte “i tmerrshëm” dhe do të rezultonte me një numër të madh viktimash.
Nga ana tjetër, Moska ka shtuar një numër zyrtarësh të Bashkimit Evropian në listën e personave të padëshiruar. Rusia futi në listën e zezë krerët e disa kompanive ushtarake evropiane, disa anëtarë të shërbimeve të sigurisë, ligjvënës të BE-së dhe zyrtarë të tjerë. Moska i bën ata përgjegjës për promovimin e politikave antiruse.