Suedia vendos detyrimin e Green Pass edhe për udhëtarët nga Norvegjia, Finlanda, Danimarka dhe Islanda, të cilët më parë ishin të përjashtuar.
Këtë e raportojnë mediat ndërkombëtare, duke nënvizuar se ministrja suedeze e Çështjeve Sociale, Lena Hallengren, ka inkurajuar të gjithë udhëtarët që t’i nënshtrohen testit të koronavirusit në hyrje.
“Përhapja e infeksionit po rritet ndjeshëm. Varianti i ri i virusit Omicron e bën të vështirë parashikimin e përhapjes së infeksionit në të ardhmen”, tha ajo.
Deri më tani, qeveria suedeze nuk kishte vendosur bllokime ose shtrëngime gjatë pandemisë, duke u fokusuar në përgjegjësinë individuale.
Nderkohë Mbretëria e Bashkuar ka regjistruar sot një rekord të ri të infeksioneve Covid me 88,376 raste të reja në 24 orë sipas shifrave zyrtare. Viktimat ishin 146, kundrejt 165 në 24 orët e mëparshme.