Mediat britanike shkruajnë se Kryeministiri, Rishi Sunak po bën një plan të fshehtë me liderët e Bashkimit Europian për të prishur rregullat në mënyrë që të finalizojë idenë e tij për të dërguar në Ruanda emigrantët e paligjshëm.
Sunak kërkon të bashkojë forcat me Giorgia Meloni e Italisë dhe udhëheqësit e Austrisë dhe Spanjës për të rishkruar statutin e Gjykatës Evropiane të të Drejtave të Njeriut.
Ata shpresojnë që lëvizja e tyre t’iu japë hapësirë ligjore për të dërguar refugjatët në vendet e treta.
Lajmi bëhet i ditur nga britanikja ‘The Sun’, vetëm pak ditë pas deklaratës së numrit 1 të qeverisë britanike i cili tha se nuk do të lejonte një gjykatë ndërkombëtare të bllokonte planin e tij dhe se do të bënte çështë e nevojshme për ta bërë të mudnur një gjë të tillë.
Kryeministri Sunak u akuzua edhe nga ish sekretarja e punëve të Brendshme, Sulla Braverman e shkarkuar së fundmi, se ka bërë devijime nga plani fillestar sa i takon çështjes së emigrantëve.
Propozimi i qeverisë britanike është hedhur poshtë nga apeli, gjykata e lartë në Londër si dhe nga Gjykata Europiane për të drejtat e njeriut në Strasburg.
Çështja e emigrantëve të paligjshëm është një problemet kryesore me të cilat po përballen qeveritë europiane në vitet e fundit.