Talebanët: Gratë të qëndrojnë në shtëpi!

Gratë që punojnë në Afganistan duhet të qëndrojnë në shtëpi derisa të ketë siguri të mjaftueshme, tha zëdhënësi i talebanëve Zabiullah Mujahid në një konferencë shtypi.

Në përgjigje të një pyetjeje në lidhje me gratë nga ministritë qeveritare dhe punonjësit e zyrave që nuk mund të hyjnë në ndërtesa, Mujahid tha se talebanët do të dalin me procedura specifike për të siguruar sigurinë e grave dhe që ato të mos trajtohen pa respekt.

“Ne do të donim që ato të qëndrojnë në shtëpi derisa të mundësojmë sigurinë e tyre në zyra. Do të ketë udhëzime të qarta, askush nuk mund të pushohet nga puna, të gjithë do të marrin një pagë”, tha ai.