Ambasada amerikane në Tiranë ka reaguar në lidhje me situatën e nderë mes Ukrainës dhe Rusisë, ku pritet që të nisë nga momenti në moment një përplasje.
Ambasada ka shpërndarë në rrjetet sociale deklaratën e Sekretarit të Shtetit Antony J. Blinken.
“Përshkallëzimi i vazhdueshëm dhe qëndrimi kërcënues ushtarak i Rusisë kanë bërë që Departamenti i Shtetit të ndërmarrë veprime për të mbrojtur personelin e tij. Departamenti i Shtetit ka zhvendosur përkohësisht një ekip bazë të stafit dhe operacioneve brenda Ukrainës në Lviv.
“Ambasada do të mbetet e angazhuar me qeverinë ukrainase, duke koordinuar angazhimin diplomatik në Ukrainë. Ne po vazhdojmë gjithashtu përpjekjet tona diplomatike intensive për të ndalur përshkallëzimin e krizës”. Lexoni deklaratën e plotë të Sekretarit të Shtetit Antony J. Blinken duke klikuar më poshtë”, shkruan ambasada teksa ka shpërndarë deklaratën e Blinken.