Si rezultat i veprimeve armiqësore të pushtuesve rusë, termocentrali bërthamor i Çernobilit u çaktivizua plotësisht.
“Luftimi vazhdon, gjë që tani e bën të pamundur punën e riparimit dhe rifillimin e furnizimit me energji elektrike. Ukrenergo monitoron situatën dhe do të informojë për të gjitha ndryshimet”, thuhet në mesazhin e institucionit energjetik.
Agjencia Ndërkombëtare e Energjisë Atomike (IAEA) do humbte kontaktin me sistemet e monitorimit të termocentralit bërthamor të Çernobil-it.
Lajmi u bë i ditur nga Mikhail Podolyak, këshilltari i kreut të zyrës së Presidentit të Ukrainës.
Tani nuk ka një kuptim të qartë se çfarë po ndodh në Çernobil, çfarë po bëjnë pushtuesit rusë dhe çfarë të presin në të ardhmen.
“IAEA-ja humbi papritur kontaktin me sistemet e monitorimit të masave mbrojtëse në termocentralin bërthamor të Çernobil-it. Dhe kjo është arsyeja pse tani askush nuk e kupton se çfarë po ndodh në Çernobil, kush dhe çfarë po bën atje dhe si kërcënon rajonin. Një situatë jashtëzakonisht e rrezikshme”, shkroi Podolyak në Twitter.
Tani Agjencia po studion gjendjen e sistemeve të monitorimit të termocentralëve të tjerë të Ukrainës, informacion shtesë do të sigurohet në të ardhmen e afërt.