Princi Harry mund të deportohet nga SHBA nëse ai gënjeu për përdorimin e drogës në aplikimin e tij për vizë në SHBA, sipas ish-presidentit amerikan Donald Trump.
Në një ekstrakt nga një intervistë me GB News që do të transmetohet të martën pasdite, Trump tha se Harry, i cili tani jeton në Kaliforni, nuk duhet të marrë trajtim të veçantë.
“Ne do të duhet të shohim nëse ai di ndonjë gjë për drogën dhe nëse ka gënjyer, duhet të ndërmarrim veprimet e duhura”, tha Trump.
“Çfarë mund të nënkuptojë… të mos qëndrosh në Amerikë?” pyeti intervistuesi Nigel Farage, me Trump duke u përgjigjur: “Oh, nuk e di, ma thoni ju”.
Në kujtimet e tij (të titulluar “Zëvendësuesi”) Harry pranon se ka përdorur droga të ndryshme, duke përfshirë kokainën dhe marihuanën, por është e paqartë nëse ai ka deklaruar një histori të përdorimit të drogës në aplikimin e tij për vizë. /vizionplus.tv