Trupat ukrainase vazhdojnë të avancojnë në kundërsulmimin e tyre në jug të vendit, si dhe në konsolidimin e pozicioneve.
Lajmi u be i ditur nga komanda operacionale jugore e ushtrisë së Kievit, cituar nga Ukrinform.
“Betejat janë duke u zhvilluar, me pasojë përparimin e trupave dhe konsolidimin e territoreve – nënvizon Komanda duke iu referuar ecurisë së dites se shtune -.
:”Armiku preferon të luftojë me artileri, duke u përpjekur të shmangë kontaktin e drejtpërdrejtë.”
Me pas edhe presidenti Zelensky beri te ditur se nga fillimi i këtij muaji, ushtria e Kievit ka rimarrë “dy mijë kilometra katrorë territor” nga forcat ruse.
Trupat armike bënë “zgjedhjen e duhur” duke ikur nga rajoni i Kharkiv, shtoi ai, duke iu referuar tërheqjes nga Izyum dhe vendbanimeve të tjera në zonë, të cilat Moska në vend të kësaj ia atribuoi një “riorganizimi” për të synuar pushtimin e të gjithë Donbasit.