Ankaraja dhe Athina i janë rikthyer retorikës së luftës. Ministri i Jashtëm turk Davut Çavushollu tha sot se Turqia nuk do të lejojë zgjerimin e ujërave territoriale greke. Ai përsëriti një vendim te parlamentit turk të vitit 1995 që autorizon veprime ushtarake për të mbrojtur interesat shtetërore nëse Athina zgjeron territoret e saj në Egje.
DAVUT ÇAVUSHOLLU
MINISTRI I JASHTËM TURK
Ne nuk do të lejojmë zgjerimin e ujërave territoriale greke as me një milje në Egje, e lëre më 12. Ne po paralajmërojmë Greqinë edhe një herë. Mos ndiqni heroizmin e rremë duke u besuar atyre që krehin kurrizin tuaj. Mos kërkoni aventurizëm. Nuk do të përfundojë mirë për ju.
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Komentet e Çavushollu erdhën pasi Athina ka në plan të zgjerojë ujërat territoriale rreth ishullit të Kretës me 12 milje detare.
Por i menjëhershëm ishte reagimi nga pala greke. Athina zyrtare përmes përfaqësuesit të qeverisë iu përgjigj deklaratave të Çavushollu.
YIANNIS OIKONOMOU
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";PËRFAQËSUES I QEVERISË GREKE
Qeveria greke qeveris ekskluzivisht duke pasur parasysh të drejtën ndërkombëtare dhe interesat kombëtare. Taktika e kërcënimeve dhe e provokimeve, në të cilat angazhohet Turqia, është absolutisht pa rrugëdalje, pasi Greqia nuk është as e frikësuar dhe as e terrorizuar. Do të ishte e dobishme që zyrtarët turq të reflektonin për ngërçin dhe të mos vazhdonin në të njëjtën rrugë edhe në vitin e ri.
Përplasja mes dy vendeve është historike, por çështja e përcaktimit të kufijve detarë shpesh ka shtuar tensionet. Gjithashtu Ankaraja e akuzon Athinën për militarizim të 12 ishujve statusi i të cilëve është zgjidhur me Traktatin e Lozanës.