Policia bjelloruse arrestoi qindra protestues në Minsk këtë të shtunë, në marshimin e mijëra njerëzve që kërkojnë dorëheqjen e Presidentit Alexander Lukashenko.
Bjellorusia, një ish republikë sovjetike e lidhur ngushtë me Rusinë, është tronditur nga protestat masive në rrugë që kur Lukashenko pretendoi një fitore të madhe në zgjedhjet presidenciale të 9 gushtit. Ai mohon akuzën e kundërshtarëve të tij se zgjedhjet ishin manipuluar.
Protestuesit e së shtunës, shumica prej tyre gra, u përleshën me policinë, e cila më pas bllokoi rrugën e tyre dhe filloi të zgjidhte njerëzit nga turma, një nga një, tha dëshmitari.
Midis të arrestuarve, ishte edhe aktivistja 73-vjeçare e opozitës Nina Baginskaya, e cila është bërë një ikonë e lëvizjes protestuese pas përleshjeve me policë e armatosur muajin e kaluar.
Ndërkohë, një protestuese u mor me një ambulance, pasi ishte shtrirë në tokë, pa ndjenja.
U përleshën me policinë, arrestohen qindra protestues në Bjellorusi shkruan Vizion Plus.