Ishte mesi i gushtit dhe talebanët sapo kishin marrë kontrollin e vendit. Avioni i transportit ushtarak C-17 Globemaster III sapo kishte zbritur në Kabul, kur u bllokua nga qindra afganë. Shumë civilë ishin mbledhur në aeroport. Ishte një skenë që kapi dëshpërimin e afganëve.
Aeroplani amerikan u ngrit lart. Të paktën dy të rinj afganë u panë duke rënë nga lartësia, pasi avioni ishte tashmë në ajër. Më shumë se një muaj më vonë, shumë nga ajo që ndodhi atë ditë mbetet e paqartë, por të paktën një familje po kërkon drejtësi.
Në mesin e të vdekurve është 24-vjeçari Fida Mohammed, një stomatolog i cili u pa për herë të fundit duke u kapur pas avionit. Babai i tij është i shokuar për atë që po bënte djali i tij. Babai thotë se Muhamedi ishte djali i tij i madh, dhe ai dëshiron drejtësi nga SHBA-ja.
Zaki Anëari ishte gjithashtu në mesin e të vdekurve. Ai u rrëzua nga avioni, pasi u kap nën rrota.