Gazetarja ruse, Daria Dugina 30 vjeçe, vajza e politologut dhe filozofit pro Putinit, Aleksandër Dugin është vrarë në një shpërthim me bombë në Moskë.
Ajo kishte marrë pjesë në një konference me temë “Tradita dhe historia” pranë Moskës, e mbajtur nga babi i saj Aleksandër Dugin.
Gjatë kthimit, në periferi të kryeqytetit një shpërthimi i ka marrë jetën 30-vjeçares, e cila duhet të ishte në makinë me babin e saj, por ky i fundit disa çaste më herët kishte vendosur të ndryshonte automjet.
Media e huaj shkruajnë se hetuesit rusë dyshojnë se atentati ishte planifikuar për babain e gazetares, Aleksandër Dugin, por që ai nuk ndodhi në makinë atë moment.
I ati i 30-vjeçares është këshilltar i disa politikanëve dhe një filozof rus i njohur për pikëpamjet e tij anti-perëndimore.
Vitet e fundit ai është cilësuar si një nga frymëzuesit e politikës së jashtme të Vladimir Putinit. Në vitin 2014-të ai u shkarkua nga Universiteti Shtetëror i Moskës pas thirrjes së tij për të vrarë ukrainasit.
Dugin bënte pjesë në grupin personave të afërt me Putin ndaj të cilëve janë vendosur sanksione nga Shtetet e Bashkuara.